Abstract:
Ky punim ka për qëllim të analizojë dhe krahasojë strategjitë e komunikimit organizativ të dy radio-stacioneve nacionale në Kosovë, Radio Kosovës dhe Radio Dukagjinit, me fokus në aspektet e organizimit të brendshëm të tyre. Përmes hulumtimit teorik dhe zhvillimit të intervistave me stafin e dy radio-stacioneve kemi analizuar mënyrën e funksionimit të brendshëm.
Strategjitë e komunikimit organizativ janë të rëndësishme për funksionimin e radio-stacionit. Komunikimi verbal dhe shkruar janë strategjitë kryesore të përdorura. Përparësitë e tyre përfshijnë rezultate konkrete në zhvillimin e programit dhe rritjen e dëgjueshmërisë. Në këtë drejtim, komunikimi i brendshëm formal dhe joformal është i pranishëm në baza ditore, në dy radio-stacionet me të vetmin qëllim që lidhja me dëgjuesin dhe komunikimi me kompanitë bashkëpunëtore të jenë aspektet kryesore të komunikimit si të brendshëm dhe të jashtëm.
