Përmbajtjet ndërkombëtare (filma, seriale dhe telenovela) në median vendore shqiptare pas dixhitalizimit

Abstract

Kanalet televizive vendore në Shqipëri u kanë dhënë një kohë speciale transmetimi produksioneve ndërkombëtare, veçanërisht serialeve, telenovelave dhe muzikës. Arsyeja se përse ka një prezencë të këtyre produksioneve është fakti që TV vendore shqiptare financiarisht nuk munden të prodhojnë emisionet e tyre vendore. Serialet dhe telenovelat, përgjithësisht nga Amerika Latine (Brazili, Venezuela, Meksika), ShBA, Italia dhe Turqia transmetohen tashmë në këto kanale televizive. Por, pas hyrjes së tyre në rrjetin e dixhitalizuar, transmetimi i këtyre përmbajtjeve do të jetë i vështirë për tre arsye kryesore: 1. E drejta e transmetimit të serialeve është në dorë të kanaleve kombëtare shqiptare (kryesisht me qendër në Tiranë, apo edhe në Prishtinë dhe Shkup). 2. Ligji kundër piraterisë i promovuar me kujdes nga AMA 3. Çmimi shumë i lartë i këtyre programeve nëse blihen direkt nga kompanitë ndërkombëtare të shpërndarjes. Për këtë arsye, ne mendojmë që kanalet televizive vendore në Shqipëri do të përballen me vështirësi dhe probleme me përmbajtjet e tyre ndërkombëtare në përgjithësi dhe me serialet në veçanti. Shumë nga këto kanale mund edhe të ndërpresin transmetimet sepse serialet mbeten matërialet kryesore të trabnsmetimit, krahas edicioneve vendore të lajmeve të përgatitura prej tyre