Abstract:
Diplomacia e mediave digjitale është thuajse një mjet bazik dhe i domosdoshëm për
qeveritë për të arritur qëllime diplomatike në epokën moderne. Kjo tezë shqyrton përpjekjet e diplomacisë mediatike digjitale të liderëve shtetërorë të Kosovës, Presidentes Vjosa Osmani-Sadriu dhe Kryeministrit Albin Kurti, në Platformën X (ish-Twitter). Studimi analizon të gjitha postimet e tyre në X gjatë 25 ditëve, nga 24 shtatori deri më 18 tetor 2023, pas një sulmi terrorist në Banjskë të Zveçanit, ku një pjesëtar i Policisë së Kosovës u vra nga një grup i armatosur serb.
Hulumtimi përdor një qasje të metodave të përziera, duke kombinuar metodën framing, analizën diskursive dhe atë të matjes sasiore/frequency. Studimi thekson rolin e liderëve shtetërorë në formësimin e opinionit publik dhe diskursit e përdorur në platformën X. Gjetjet e këtij studimi kontribuojnë në literaturën mbi diplomacinë e mediave digjitale dhe demonstrojnë se si udhëheqësit shtetërorë mund të përdorin platformat digjitale për të çuar përpara agjendat e tyre diplomatike.
