Abstract:
Politikat e agro-industrializimit kanë një ndikim të madh në ekonominë globale, ndërkohë që ndryshojnë nga një vend në vendin tjetër dhe janë subjekt i shumë faktorëve lokalë dhe
ndërkombëtarë. Këto politika mund të përfshijnë masa të ndryshme që shpërfaqen në sektorin bujqësor dhe agro-industrial, ku përdoren për të përmirësuar prodhimin, siguruar ushqimin dhe konkurrueshmërinë ndërkombëtare. Ndërkohë që politikat e agro-industrializimit mund
të sjellin avantazhe ekonomike dhe konkurrueshmëri, është e rëndësishme të merret parasysh që ato duhet të jenë të përshtatshme dhe të kujdesen për shqetësime të tilla si qëndrueshmëria mjedisore, drejtësia sociale dhe siguria ushqimore.
Qëllimi kryesor i këtij hulumtimi është shqyrtimi dhe analizimi i politikave të agro-
industrializimit dhe ndikimin e tyre në ekonominë globale. Përmes këtij hulumtimi synohet të kuptohen dhe të identifikohen efektet dhe sfidat që vijnë me proceset e agro-
industrializimit në nivel global. Për të arritur në përgjigjet e pyetjes hulumtuese dhe të
vërtetimit të hipotezave të parashtruara në këtë hulumtim qasja e hulumtimit është
deskriptive, shpjeguese dhe eksploruese. Për shkak të natyrës së temës që shtjellohet janë përdorur të dhënat sekondare të grumbulluara kryesisht nga autorë të huaj dhe vendor, si dhe nga hulumtimet e ndryshme rreth politikave të agro-industrializimit dhe ndikimi i tyre në ekonominë globale bujqësore.
