Abstract:
Gjuha pasqyron shoqërinë si dhe ndarjen gjinore, prandaj mund të thuhet se sjellja komunikuese e burrave dhe grave ka qenë gjithmonë e diskutueshme gjatë zhvillimit të njerëzimit. Edhe në politikë, diskursi komunikues ka një rëndësi të vecantë. Diskursi i përdorur nga politikanët jo vetëm që pasqyron vlerat shoqërore, por gjithashtu luan një rol kryesor në ndikimin e narrativave politike. Ky diskurs jo rrallëherë dallon kur përdoret nga politkanët meshkuj në krahasim me ato femra. Prandaj, qëllimi kryesor i këtij punimi është të analizojë diskursin politik të përdorur nga politikanët meshkuj dhe femra brenda sferës politike. Ky punim masteri përdori një kornizë kërkimore cilësore për të mbledhur dhe shqyrtuar të dhënat e marra me qëllim të adresimit të pyetjes kërkimore. Pjesë e kësaj analize ishin dy politikanë meshkuj dhe dy femra, fjalimet dhe debatet e të cilëve u analizuan në mënyrë që të arrihen objektivat e punimit. Ky diskurs u mor nga webfaqja zyrtare e Kuvendit të Republikës së Kosovës, konkretisht nga transkriptat e seancave të cilat gjenden online. Gjetjet e këtij punimi tregojnë se në përgjithësi nuk kishte shumë elemente dalluese mes diskursit komunikues të meshkujve dhe femrave në kuvend dhe se ngjashmeritë ishin shumë më të theksuara sesa dallimet. Disa nga ngjashmëritë kryesore përshijnë përdorimin e shënuesive logjik, të njoftimeve, metaforat dhe diskursin populist , kurse dallimet përfshijnë vetëpërmendjen, riformuluesit dhe sekuencat.
