Abstract:
Ky punim trajton marrëdhënien komplekse ndërmjet gazetarisë dhe marrëdhënieve publike, duke analizuar ndikimin e ndërsjellë që këto dy fusha kanë në njëra-tjetrën. Në një mjedis ku informacioni është bërë thelbësor për funksionimin e shoqërive moderne, marrëdhëniet publike luajnë një rol të rëndësishëm në menaxhimin e komunikimit strategjik të organizatave, ndërsa gazetaria mbetet shtyllë e informimit publik dhe mbrojtjes së transparencës.
Punimi fokusohet në mënyrën sesi marrëdhëniet publike ndikojnë përmbajtjen gazetareske dhe në implikimet që kjo ndërveprimtari ka për cilësinë, objektivitetin dhe pavarësinë e medias. Duke shqyrtuar teoritë përkatëse dhe studimet më të fundit në këtë fushë, analizohen faktorët që e kanë bërë gazetarinë gjithnjë e më të varur nga informacionet e ofruara nga profesionistët e marrëdhënieve publike. Nëpërmjet një qasjeje teorike dhe analitike, ky studim synon të nxjerrë në pah tensionet dhe sinergjitë ndërmjet këtyre dy profesioneve, duke ofruar një kuptim më të thellë të rolit të tyre në një shoqëri të mbingarkuar me informacion. Përfundimisht, punimi propozon rekomandime për të forcuar etikën dhe profesionalizmin në të dy fushat, duke ruajtur integritetin e gazetarisë dhe ndërtuar praktika më transparente dhe të besueshme në marrëdhëniet publike.
