Transformimi i organizimit të Administratës Lokale 2007-2023. Rast Studimi Komuna Prishtinë

Abstract

Administrata Publike Lokale është kontakti i parë që qytetari ka me shërbimet e ofruara nga shteti, që në varësi të nevojave të përditshme për ndërhyrje në infrastrukturë, realizim të të drejtave dhe shërbime tjera të cilat ofrohen nga niveli lokal. Kërkesat në baza ditore, si dhe numri i madh i shërbimeve të cilat ofrohen në nivel lokal, shton edhe nevojën e vazhdueshme të ofrimit të shërbimeve, zëvendësimit të metodave dhe gjetjen e zgjidhjeve që rezultojnë me zgjidhjen ose trajtimin e problemeve/nevojave të qytetarëve. Për shkak të specifikave të caktuara Komuna e Prishtinës, ka numër të madh të kërkesave të cilat parashtrohen nga qytetarët, por, gjithashtu edhe pë shkak të lëvizjes së numrit të banorëve, gjatë viteve 2007 e deri në vitin 2023, është shndërruar në një aparat të madh të angazhimit të administratës publike, duke përfshirë edhe ofrimin e kujdesit primar shëndetësor si dhe organizimin e arsimit parauniversitar. Të qenurit Kryeqytet, ka ndikuar gjithashtu në nevojën e shtimit të seriozitetit për të trajtuar problematika të caktuara, si dhe organizimit më të madh në formë të përafërimit të nevojave të qytetarëve me shërbimet e ofruara. Prezenca e Misionit të Përkohshëm të Kombeve të Bashkuara në Kosovë (UNMIK) nga përfundimi i luftës e deri në fillim të vitit 2008, lëvizja drejtë pavarësisë dhe ndryshimet tjera të legjislacionit, prezantojnë më së miri nëpër çfarë ka kaluar administrata lokale në Prishtinë.