Raportimi për vrasjet zbulimi i identitetit të viktimave në raportimin e mediave online në periudhën 2015-2021.

Abstract

Qëllimi i punimit është analizimi dhe krahasimi i lajmeve në mediat online Telegrafi, Express dhe Indeksonline, me fokus se si është bërë raportimi i viktimave nga vrasjet në periudhën 2015 –2021. Ky hulumtim ka mbështetjen teorike, si dhe intervista me gazetarët e mediave që kemi rast studimi në hulumtim. Ky hulumtim është bazuar në pyetje kërkimore: si e rregullon etika çështjen e raportimit të identitetit të viktimave nga vrasjet në mediat online? Dhe cilat janë rastet që mediat online kanë zbuluar identitetin e viktimave përgjatë viteve 2015-2021? Gjatë këtij hulumtimi janë analizuar nëntë artikuj të cilët kanë raportuar për vrasjet e bëra përgjatë periudhës 2015 – 2021 dhe në secilin prej këtyre artikujve janë vrejtur shkelje të etikës profesionale duke përfshirë identitetin e viktimave, identitetin e familjarëve të tyre dhe shkelje të tjera profesionale. Në përfundim të këtij hulumtimi kemi mundur të shohum që raportimi i viktimave në vrasje ka qenë në kundërshtim me rregullat e gazetarisë. Ndër të tjera nga ky hulumtim kemi arritur të vijmë në disa rekomandime: të mos publikohen emrat e viktimave të vrasjes, por vetëm inicialet siç është edhe e rregulluar me etikë dhe ligje. Mediat online të mos bëjnë publike imazhe të viktimës dhe pjesëtarëve tjerë të familjes pas vrasjes, por të jepin detaje për rastin që janë të rëndësishme për opinonin publik.