Roli i komunikimit organizativ në formimin e ekipeve punuese.

Abstract

Efektiviteti i komunikimit organizativ, është faktor kyç për suksesin e organizatës, dhe duhet t’i kushtohet një vëmendje e posaçme, dhe atë në: se si zhvillohet procesi i komunikimit; çfarë mënyra janë përdorë për të pasur një komunikim efektiv ndërmjet anëtarëve të organizatës, si janë pritur këto mënyra të komunikimit nga të punësuarit dhe çfarë efekti kanë pasur ato, cilat kanë qenë mënyrat e realizimit të tyre, gjithnjë me synim të arritjes dhe gjetjes së përvojave adekuate për të transmetuar dhe kuptuar informacionin e caktuar, i cili ka rëndësi strategjike për organizatën në forminimin e ekipeve punuese. Me realizimin e këtij punimi synojmë që të analizojmë mënyrat e zhvillimit të komunikimit ndërmjet menaxhmentit dhe të punësuarëve në organizatë, si ndikojnë mënyrat e caktuara të komunikimit tek të punësuarit, si në sjelljen e tyre, motivimin dhe angazhimin në punë. Nga shqyrtimi i literaturës por dhe rezlutatet e marra nga metodologjia e përdorur mund të themi se rol shumë të madh në lëvizshmërinë e informatave luan mënyrë e organizimit të brendshëm të organizatës, apo siç njihin edhe si struktura organizative, koordinimi dhe planifikimi i tyre kanë funksion parësor në “pajisjen” me informata të anëtarëve të saj. Varësisht prej madhësisë së organizatës dhe strukturave të saj, formësohen departamente dhe njësi punuese, ku për secilin anëtarë të organizatës duhet të krijohen kanale të komunikimit, të cilët kryejnë funksionin e marrjes dhe dhënies së informacionit.