Vlerat e lajmit në edicionet e lajmeve qendrore në RTK, KTV dhe ATV – qasje krahasuese.

Abstract

Respektimi i kritereve që parashihet me vlerat e lajmit apo vlerat e lajmeve, është shumë i rëndësishëm në media e sidomos në televizion, mirëpo një kontekst si Kosova ku kemi ngjarje dhe lajme të cilat mund t’i tejkalojnë edhe elementet dhe kriteret e vlerave të lajmit, është shumë me rëndësi që këto kritere dhe vlera të respektohen, me të vetmin qëllim mirë informimi i shikuesve dhe dëgjuesve tanë. Ndryshimi i sistemeve politike dhe faza e tranzicionit në të cilën po kalon vendi ynë, dhe hapja drejt një shoqërie demokratike, bëri që të kemi shumë mundësi për t’u informuar, mirëpo, me këtë edhe rreziqe për tu mos informuar në mënyrën profesionale. Zbatimi i vlerave të lajmit në edicionet e lajmeve në televizionet nacionale në Kosovë ka të bëjë me mënyrën e konsumit të produktit mediatik, në këtë rast të lajmit. Nëpërmjet metodës se vëzhgimit kemi hulumtuar tri televizionet nacionale në Kosovë, Radiotelevizionin e Kosovës (RTK), Kohavisionin (KTV) dhe A Televizionin (ATV), hulumtimi ka zgjatë për një periudhë një mujore. Punimi konstaton se në përgjithësi këto televizione i respektojnë kriteret e vlerave të lajmit, duke ofruar lajme dhe informacione aktuale dhe që kanë interesin e publikut për t’i ndjekur.