https://dspace.aab-edu.net/handle/123456789/337 SFIDAT E TRANSMETUESVE LOKALË DHE RAJONALË PËRBALLË QASJES ONLINE TË SHËRBIMEVE TË TYRE 2026-04-14T11:10:33Z https://dspace.aab-edu.net/handle/123456789/356 Ndikimi i medias lokale në perceptimin e shoqërisë shqiptare për refugjatët dhe krizën Likaj - Shaqiri, Matilda Në dy vitet e fundit, rrymat emigratore refugjate dhe kriza e vendeve pritëse evropiane është një temë e nxehtë sa politike aq dhe mediatike. Normalisht, media duhet të jetë transparente në paraqitjen e lajmeve rreth politikbërjes, kushteve të pranimit dhe problematikave që ky fenomen sjell. Për shkaqe të ndryshme të cilat mund të jenë shumë të diskutueshëm, aktualisht mediat evropiane paraqesin lajme tepër telegrafike statistikore ose stereotipa të problematikave që refugjatë mund të formojnë. Mediat lokale shqiptare (të cilat marrin si shembull mediat evropiane), i paraqesin lajmet në të njëjtën mënyrë si ato evropiane. Këto lajme influencojnë mendimin e publikut, për të qëndruar indiferent ndaj fenomenit të refugjatëve prej vendeve të lindjes së mesme. Në këtë studim analizohet shkurtimishttrajtimi i fenomenit të refugjatëve prej lindjes së mesme dhe kriza e emërtuar prej vendeve evropiane, në mediat lokale dhe ndikimi i tyre në shoqërinë shqiptare. Në vijim të studimit gjenden diskutime rreth përcaktimit të termit emigrant dhe refugjatë, si dhe analizimi i rolit të medias në prezantimin e këtij fenomeni në ditët e sotme. 2016-01-01T00:00:00Z https://dspace.aab-edu.net/handle/123456789/355 Programacion “gjeneralist” apo “uniformist” Lila, Jolanda Kjo kumtesë ka për qëllim të nxjerrë në pah disa nga tiparet kryesore që përbëjnë aspektin programor në radiot shqiptare. Radiot lokale po përballen me një sërë sfidash, të cilat reflektohen drejtpërsëdrejti edhe në cilësinë e materialeve që dalin në transmetim. Puna me stafe të reduktuara ndikon që prodhimet të bazohen më shumë në materiale të gatshme të marra nga interneti, kryesisht në play-lista muzikore, sesa nga ideimi i programeve dhe puna konkrete në terren. Gjithashtu, edhe në rastet kur ka programacion, struktura dhe përmbajtja e programeve që emetohen i falet më shumë spontanitetit, sesa strategjive që ndërtohen mbi bazën e nevojave të tregut, që përftohen nga studimet dhe anketat. Kjo reflektohet në disa aspekte, të cilat do të shtjellohen në këtë kumtesë. Në vëmendje të kumtesës sonë do të kemi radiot lokale që operojnë në Tiranë. Siç dihet, mes 71 operatorësh radiofonikë që ushtrojnë aktivitetin e tyre emetues në Shqipëri, 65 prej tyre janë subjekte audio vendore. Sa i përgjigjet licenca e tyre nevojave të komunitetit dhe sa arrijnë këto media të mbulojnë me programacion të dedikuar për zonat e tyre të mbulimit? A është sot radio gjeneraliste, apo uniformiste, ku të gjithë bëjnë thuajse të njëjtën gjë? Rast studimor do të merren një sërë radiosh lokale në Tiranë, duke paraqitur edhe statistika e të dhëna që lidhen me veprimtarinë e tyre programore. 2016-01-01T00:00:00Z https://dspace.aab-edu.net/handle/123456789/354 Problematikat e transmetimit si mungesë e financimeve në televizionet lokale në qytetin e Gjirokastrës Bega, Aurora Prezantim Posteri Në kushtet e dixhitalizimit të mediave në Shqipëri dhe zhvillimit të vrullshëm të medias sociale, si një medium i rëndësishëm qe po zëvendëson median tradicionale, duket se mediat lokale kanë mbetur disi në hije. Qyteti i Gjirokastrës mbulohet nga tre televizione kryesore: televizion publik lokal TVGJ, dhe dy televizione lokale Alpo dhe Channel 7 të cilat prodhojnë lajme për të gjithë zonën dhe rrethinat e saj. Këto televizione kanë si burim të ardhurash vetëm reklamat dhe të ardhurat e realizuara janë të pamjaftueshme për të pasur staf të plotë dhe te kualifikuar si edhe mundësi për të prodhuar emisione cilësore që i diferencojnë nga njëra-tjetra dhe i afrojnë më afër televizioneve kombëtare. Një tjetër problematikë e televizione lokale në qytetin e Gjirokastrës është formimi akademik i stafit që punon në këto media. Pjesa me e madhe e gazetarëve dhe stafit teknik nuk kanë studiuar në fushat që përkojnë me pozicionin e tyre të punës çka cenon profesionalizmin e tyre. Ky punim synon të mbledh të dhëna në tre televizionet lokale duke sjellë kështu një paraqitje të plotë të problemeve të financimit, prodhimit mediatik dhe statusit profesional të gazetarit në televizionet lokale të qytetit te Gjirokastrës. 2016-01-01T00:00:00Z https://dspace.aab-edu.net/handle/123456789/353 Mediat lokale dhe ndikimi i tyre mbi angazhimin qytetar përmes medias sociale Çela, Erlis Fakti që media luan një rol të rëndësishëm në angazhimin qytetar dhe pjesëmarrjen e publikut në diskutimet me interes të përbashkët, i ka intriguar vazhdimisht studiuesit e fushës së medias dhe komunikimit. Fillimisht kjo fushë e studimeve të medias mori vëmendje duke u shtjelluar më tepër në teoritë që fokusoheshin mbi ndikimin e medias mbi audiencën. Një sërë teorish si ajo e ―përdorimit dhe kënaqësisë‖ apo teoria e përcaktimit të axhendës, ndërtuan një traditë të studimit në këtë fushë. Megjithatë ndikimi i medias mbi audiencat mbetet ende një fushë e parapëlqyer për t‘u eksploruar nga studiuesit e fushës së komunikimit dhe medias. Ky punim synon të evidentojë potencialin e mediave lokale në Shqipëri për të nxitur angazhimin dhe pjesëmarrjen qytetare në komunitetitet ku ato operojnë, duke përdorur mundësitë që ofrojnë platformat e mediave sociale si Facebook, Twitter, Instagram, etj. Studimi do të bazohet në analizën e të dhënave të grumbulluara nga anketimi i gazetarëve të medias lokale dhe pronarëve apo drejtuesve të tyre. Gjatë punimit do të ndalemi në tre raste konkrete ku do të shqyrtojmë përdorimin e rrjeteve sociale nga dy operatorë lokalë dhe dy portale informative me karakter lokal. Gjatë studimit synohet tu jepen përgjigje pyetjeve kërkimore që kanë të bëjnë me përdorimin e profileve në mediat sociale nga ana e operatorëve lokale me qëllim rritjen e shkallës së angazhimit dhe pjesëmarrjes qytetare të komuniteteve lokale si dhe rolin që luajnë këto platforma për të kapërcyer krizën e defaktorizimit te operatorët e medias lokale. 2016-01-01T00:00:00Z