Ndërlidhja e bullizmit kibernetik (online) në rezultatet mësimore të fëmijëve 12-16 vjeç në komunën e Ulqinit.

2025-06-23T09:05:28Z

Ndërlidhja e bullizmit kibernetik (online) në rezultatet mësimore të fëmijëve 12-16 vjeç në komunën e Ulqinit. Shaptafoviq, Zyl Ky studim synon të analizojë lidhjen ndërmjet bullizmit kibernetik dhe rezultateve mësimore të nxënësve të moshës 12–16 vjeç në komunën e Ulqinit. Në një kohë kur përdorimi i rrjeteve sociale është i kudondodhur në jetën e adoleshentëve, identifikimi i ndikimeve të bullizmit online mbi përformancën mësimore bëhet një domosdoshmëri e padiskutueshme për sistemin arsimor. Në studim u përfshinë 150 nxënës nga katër shkolla: “Marshall Tito”, “Bedri Elezaga”, “Bosko Strugar” dhe “Vëllazërim Bashkim”. Përdorimi i metodës sasiore dhe analizave statistikore si korelacioni Pearson dhe ANOVA, shërbeu për testimin e tre hipotezave kryesore. Rezultatet tregojnë se bullizmi kibernetik është i përhapur në mënyrë të moderuar deri të lartë, me 23% të nxënësve që raportojnë përjetim të lartë, dhe se ka një lidhje shumë të fortë dhe negative me notën mesatare aktuale (r = –0.885, p < 0.01). Nxënësit që kanë përjetuar nivele më të larta të bullizmit kanë shfaqur më shumë vështirësi në përqendrim, motivim dhe ecuri në shkollë. Shkolla “Marshall Tito” shfaq përqindjen më të lartë të përjetimit të bullizmit, krahasuar me shkollat e tjera, ndërsa “Vëllazërim Bashkim” rezultoi me mesataren më të lartë mësimore. Ndërkohë, variablat demografikë (mosha, gjinia, shkolla) nuk shfaqën ndikim statistikisht të rëndësishëm në marrëdhënien midis bullizmit dhe rezultateve mësimore. Instagrami u identifikua si platforma më e zakonshme për përhapjen e bullizmit. Bazuar në modelin ekologjik të Bronfenbrenner, studimi nënvizon nevojën për ndërhyrje të synuara në nivel shkollor dhe përfshirjen e prindërve në edukimin për sigurinë digjitale.

Ndikimi i Traumës dhe Stresit të Përsëritur në Shëndetin Mendor të Veteranëve të Luftës

2025-06-23T09:01:08Z

Ndikimi i Traumës dhe Stresit të Përsëritur në Shëndetin Mendor të Veteranëve të Luftës Jashari, Manushaqe Ky studim ka për qëllim të shqyrtojë ndikimin e traumës dhe stresit të përsëritur në shëndetin mendor të veteranëve të luftës, duke u fokusuar në ndikimin e këtyre faktorëve në zhvillimin e çrregullimeve psikologjike si çrregullimi i stresit post-traumatik (PTSD), depresioni, ankthi dhe abuzimi me substanca. Përmes një qasjeje të pastër kuantitative, u përdorën dy pyetësorë të njohur ndërkombëtarisht, PCL-5 dhe DASS-21, për të matur simptomat e këtyre çrregullimeve te 100 veteranë të luftës nga Kosova. Ky studim thekson se veteranët që kanë përjetuar trauma dhe stres të përsëritur gjatë shërbimit ushtarak janë më të rrezikuar për zhvillimin e simptomave të PTSD-së, depresionit dhe ankthit. Gjetjet e studimit tregojnë se këta veteranë kanë vështirësi të vazhdueshme në përballimin e jetës pas shërbimit, duke përjetuar izolim social, vështirësi në riintegrim dhe dëmtim të cilësisë së jetës. Ky hulumtim ka rëndësi të veçantë për Kosovën, pasi shton njohuritë mbi nevojat për mbështetje psikologjike dhe ndërhyrje të specializuara për veteranët, si dhe pasqyron boshllëqet në sistemin e shëndetit mendor dhe politikat ekzistuese. Kjo tezë gjithashtu synon të kontribuojë në zhvillimin e trajtimeve dhe strategjive më të efektshme për rehabilitimin dhe mbështetje të veteranëve, duke rritur ndërgjegjësimin për pasojat e luftës mbi shëndetin mendor dhe nevojën për ndërhyrje të vazhdueshme.

Psychology

Ndërlidhja e bullizmit kibernetik (online) në rezultatet mësimore të fëmijëve 12-16 vjeç në komunën e Ulqinit.

Ndikimi i Traumës dhe Stresit të Përsëritur në Shëndetin Mendor të Veteranëve të Luftës